Nos ta Qredits, e prestamista sosial pa empresarionan na Hulanda i den Karibe. Ademas di ofresé mikro-krédito di te ANG 100.000 na empresarionan nobo i eksistente, tambe nos ta ofresé training personal gratuito pa te ku 1 aña na nos klientenan.

Qredits Curaçao a habri su portanan na aprel di 2018 ku e ophetivo di kontribuí na e espíritu empresarial na Kòrsou. Nos tim di 4 persona na e ofisina aki, kual ta konsistí di 3 konsehero di préstamo ku hopi aña di eksperensia i 1 stazjèr, tin komo meta pa yuda kada empresario lokal hasi nan soñonan realidat. Ya nos a proporshoná kasi 150 préstamo na empresarionan den nos dos aña di eksistensia. Esaki na balor total di 4 mion dòler merikano. Bo tambe tin plan pa lansá bo propio empresa? Òf bo ke pone bo empresa krese? E ora ei entrega bo solisitut via di www.qredits.com i skohe Kòrsou. Bo no sa nunka, kisas nos ta mira otro pronto!